Xalçaçılıq Azərbaycanda ən geniş yayılmış xalq yaradıcılıq növlərindən biridir. Azərbaycan xalqının məişətində özünə möhkəm yer tutmuş, xalqın rəmzinə çevrilmiş xalça sənətinin sirrləri bütün xalq yaradıcılıq sahələrində olduğu kimi nəsildən nəsilə ötürülür - nənə nəvǝyǝ,nəticəyə, analar qız-gəlinlərə sənətin ən dərin incəliklərini öyrədir. Buna görə qədimdən ölkəmizdə xalça toxumaq, demək olar ki, hər bir gənc qızın mütləq və zəruri bacarığına çevrilmişdi.