Rauf Həsənov Zabir oğlu 2003-cü ilin sentyabr ayının 25-i Bakı şəhərində anadan olmuşam.2009-cu ildə Nərimanov rayonu 82 nömrəli tam orta məktəbinə daxil olub 2012-ci ilə qədər təhsil almışam.2013-cü ildə isə təhsilimi Ekologiya liseyində davam etdirib 2020-ci ildə həmin liseyin məzunu olmuşam.2020-ci ildə Azərbaycan Memarlıq və İnşaat Universitetinin Nəqliyyat fakültəsinin Yerquruluşu və Daşınmaz əmlakın kadastrı ixtisasının 1-ci kurs tələbəsi olmuşam.Hal hazırda həmin ixtisasın 3-cü kurs pilləsində bakalavr təhsilimi davam etdirirəm. 2020-ci il dekabr ayında Azərbaycan Memarlıq və İnşaat Universitetinin Tələbə Gənclər Təşkilatının üzvü olmuşam. 2021-ci ilin may ayında "Miqrasiya Könüllüsü" İctimai Birliyinin könüllüsü olaraq könüllü fəaliyyətimə başlamışam. Həmin ilin iyul ayında Azərbaycan Respublikası Dövlət Miqrasiya Xidməti və For Azərbaycan xeyriyyə fondunun təşkilatçılığı ilə "Qaliblər Düşərgəsi" layihəsinin təşkilati komandasının üzvü olaraq fəaliyyət göstərmişəm. 2021-ci ilin oktyabr ayında "Miqrasiya Könüllüsü" İctimai Bİrliyinin əməkdaşı pilləsinə yüksəlmişəm. "Miqrasiya Könüllüsü" İctimai Birliyinin qalib qrant layihəsi olan "PR Məktəbi 2" layihəsində təşkilati heyyət olaraq aktiv fəaliyyət göstərmişəm. 2022-ci ilin may ayından həmin ilin dekabr ayına qədər "Miqrasiya Könüllüsü" İctimai Biriliyinin Layihələrin idarə olunması departamentinin rəhbəri vəzifəsində fəaliyyətimi davam etdirmişəm. 2022-ci ilin dekabr ayının 5-də il ərzində göstərdiyim fəaliyyətə görə "Dövlət qurumlarında könüllülük" üzrə “İlin Könüllüsü” mükafatı ilə təltif olundum. 2022-ci ilin dekabr ayından etibarən "Miqrasiya Könüllüsü" İctimai Birliyində layihələr üzrə fəaliyyət göstərirəm. Daha sonra isə Azərbaycan Respublikasının Gənclər Fondu tərəfindən elan olunan gənclər təşkilatları üçün 17-ci qrant müsabiqəsində "Miqrasiya Könüllüsü" İctimai Birliyi tərəfindən hazırladığımız qrant layihə qalib elan olundu.