Mən Azərbaycan Dövlət İqtisad Universitetində “İstehlak mallarının ekspertizası və marketinqi” ixtisası üzrə bakalavr dərəcəsi almışam. Universitet illərində özümü inkişaf etdirmək üçün müxtəlif şirkətlərdə çalışmışam. Supermarket, anbar və istehsal sahələrində 5 ilə yaxın iş təcrübəm var. Karyerama 2018-ci ildə Veysəloğlu Qrup şirkətində başladım. Belə ki, Veseloğlu qrup şirkətinin nəzdində fəaliyyət göstərən Oba Market MMC, Araz Supermarket MMC, AVT Logistics və Xonça fabriki kimi şirkətlərdə sayma prosesini bilavasitə həyata keçirmişəm. İnventarizasiya sahəsində iki ilə yaxın işlədiyim müddətdə bu sahədə inkişaf etdim və İnventarizasiya qrupunun qrup rəhbəri vəzifəsinə yüksəldim. İki ilə yaxın işlədiyim bu vəzifə mənə idarəetmə, təşkilatçılıq, ünsiyyət, analitik bacarıqlar kimi bir çox bacarıqlar qazandırdı. 2021-ci ilin dekabr ayından Azərbaycanın aparıcı istehsal şirkətlərindən biri olan Avrora MMC-də Daxili Nəzarət Mütəxəssisi kimi işə başladım. Burada istehsal prosesi, tədarük zənciri, anbar kimi sahələrdə yoxlamalar apararaq risklərin aşkarlanması, araşdırılması və qarşısının alınması bacarıqlarını yiyələndim. Bütün iş təcrübələrim mənə idarəetmə, tədqiqat, yüksək ünsiyyət bacarıqları, risklərin aşkarlanması və qarşısının alınması, kritik nəzarət nöqtələrinin müəyyən edilməsi kimi bacarıqlarla tanış olmağa kömək etdi. Mən çox inanıram ki, mənim fərdlərlə ünsiyyət bacarıqlarım, o cümlədən ağır iş və yüksək uyğunlaşma bacarığım effektiv komanda işinə kömək edə bilər. Detallara diqqət, vaxtın idarə edilməsi, punktuallıq və etibarlı olmaq bacarığım mənim güclü tərəflərimdir. Məqsədim durmadan inkişaf etməkdir.