Bakı Dövlət Universitetinin Türk dili və ədəbiyyatı ixtisasını fərqlənmə diplomu ilə bitirmiş, hal-hazırda isə Azərbaycan Universitetində sosial iş üzrə magistr təhsilimi davam etdirirəm. Son üç il ərzində Galata və Jalali kurslarında müxtəlif yaş qruplarına Türk dili dərsləri keçmişəm. Təcrübəm ərzində müasir tədris metodlarını tətbiq edərək şagirdlərin dərsə marağını artırmağa və nəticəyönümlü təlimə nail olmağa çalışmışam.

İşdə dəqiqliyə, kollektiv əməkdaşlığa və pedaqoji etikaya ciddi önəm verirəm. Daimi özünüinkişaf və tədris keyfiyyətini artırmaq məqsədi ilə yeni metodikalar öyrənir və tətbiq edirəm. Dil biliklərimə gəldikdə isə, Türk dili üzrə C2 səviyyəsinə malikəm, ingilis dilini isə B1 səviyyəsində bilirəm və bu sahədə inkişafımı davam etdirirəm.