Mən, ehtiyatda olan polkovnik-leytenant Faiq Balakişiyev, 1984-cü ildə Bakı şəhərində anadan olmuşam. Ali təhsilliyəm, hüquqşünaslıq ixtisası üzrə təhsil almışam. Azərbaycan Respublikasının Fövqəladə Hallar Nazirliyi sistemində uzun illər xidmət etmişəm. Xidmətim dövründə 30-dan çox xarici ölkədə ezamiyyətdə olmuş, beynəlxalq tədbir və layihələrdə iştirak etmişəm. Bundan əlavə, NATO Baş Qərargahında xidmət etmişəm və beynəlxalq əlaqələr, eləcə də mülki müdafiə sahələri üzrə zəngin təcrübəyə malikəm. Xidmətim müddətində bir sıra dövlət və beynəlxalq mükafatlara layiq görülmüşəm, onlardan: “Qüsursuz xidmətə görə” III və II dərəcəli medallar, “Xidmətə görə” döş nişanı, “FHN-in Fəxri Əməkdaşı” medalı, Beynəlxalq Mülki Müdafiə Təşkilatı tərəfindən təqdim olunan “Cəngavər” medalı ilə təltif olunmuşam. Rus və ingilis dillərində sərbəst danışıram.