• Sektorun səlahiyyətinə aid olan məsələlərin həllini təmin etmək, sektorda çalışan işçilər arasında vəzifə bölgüsünü aparmaq, onların fəaliyyətini əlaqələndirmək, əmək və icra intizamına riayət etmələrinə nəzarət etmək;
• Mal-qaranın cins tərkibinin yaxşılaşdırılması, onların məhsuldarlığının yüksəldilməsi, damazlıq işinin təşkili ilə bağlı mütəxəssis məsləhətləri vermək və tövsiyələr hazırlamaq;
• Mal-qaranın, balıq və quşların xəstəliklərdən qorunması üçün epizootiya əleyhinə, sanitariya, profilaktik və digər baytarlıq tədbirlərinin həyata keçirilməsində iştirak etmək;
• Heyvandarlıqla məşğul olan sahibkarlar arasında damazlıq işinin əsasını təşkil edən suni mayalamanın əhəmiyyəti barədə məlumatlar vermək;
• Damazlıq heyvandarlığa dair sərgi-satış yarmarkalarının və heyvanların cins tərkibinin yaxşılaşdırılması, o cümlədən damazlıq heyvanların artırılması ilə bağlı həyata keçirilən tədbirlərin təşkilinə köməklik göstərmək;
• Mərkəzin elektron informasiya ehtiyatında heyvandarlıq bölməsinin yaradılmasında və onun daimi yenilənməsində iştirak etmək;
• Səlahiyyəti daxilində sektora daxil olan ərizə, təklif və şikayətləri araşdıraraq cavablandırmaq;
• Rəhbərlik tərəfindən verilən digər xidməti tapşırıqları yerinə yetirmək, əmək və icra intizamına riayət etmək

Müsabiqənin müsahibə mərhələsində aşağıdakı şəxslər iştirak hüququna malikdirlər:

• Dövlət qulluğunun müvafiq vəzifəsi üzrə test imtahanından keçdiyini təsdiq edən dövlət qulluğu sertifikatıqüvvədə olan şəxslər;
• Dövlət orqanlarında(qurumlarında) siyahısı Azərbaycan Respublikası Nazirlər Kabinetinin 2023 - cü il 12 yanvar tarixli 7 nömrəli Qərarı ilə təsdiq edilən vəzifələrdə azı 10 il iş stajı olan şəxslər;
• Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər;

• Təhsilə dair tələblər: zootexniklik, baytarlıq ixtisasları üzrə ali təhsil
• İş stajına dair tələblər: 2 il struktur bölmənin və ya vəzifənin fəaliyyət istiqamətləri üzrə iş stajı
• Kompüter biliklərinə dair tələblər: MS Office Proqramlarından və ofis texnikasından istifadə qabiliyyəti – orta səviyyədə
• Xarici dil biliklərinə dair tələblər: yoxdur
• Müsahibədə iştirak etmək hüququ verən sertifikat AC4