• öz səlahiyyətləri daxilində xidmət ərazisində fəaliyyət göstərən işəgötürənlər tərəfindən əmək qanunvericiliyinə əməl olunması, o cümlədən işçilərlə əmək münasibətlərinin əsasında tənzimlənməsi, əməyin ödənilməsi, məzuniyyət və istirahət hüququnun təmin edilməsi, əməyin mühafisəsi, texniki təhlükəsizlik, əmək şəraiti, əmək xəsarəti ilə əlaqədar ödənclərin ödənilməsi, işçilərin və iş yerlərinin attestasiyası, işçilərin istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığortası, iş prosesində əmək və əməyin mühafizəsi tələblərinə (iş davmiyyəti, əməyin təhlükəsizliyi, əməyin gigiyenası, qadınların, əlillərin yaşı 18-dən az olan şəxslərin əməyindən istifadə olunması və s.) riayət edilməsi üzrə dövlət nəzarətini həyata keçirmək; 
• xidmət ərazisində fəaliyyət göstərən işəgötürənlər tərəfindən işçilərin xüsusi geyim və ayaqqabı, digər fərdi mühafizə vasitələri ilə təmin edilməsinə, zərərli və ağır əmək şəraitində işləyənlərin müvafiq müalicə-profilaktik yeməklərlə, süd və ona bərabər tutulan məhsullarla pulsuz təmin olunmasına nəzarət etmək;
• Azərbaycan Respublikasının Əmək Məcəlləsinə uyğun olaraq əlavə məzuniyyət və qısaldılmış iş günü hüququ verən istehsalatların, peşələrin, vəzifələrin və göstəricilərin siyahısının işəgötürənlər tərəfindən düzgün tətbiq edilməsinə və qanunvericiliyə müvafiq olaraq əmək şəraiti ağır və zərərli olan işlərdə  və iqlim şəraitinə görə işləmək üçün əlverişli olmayan iş yerlərində çalışan işçilərə güzəştlərin və ödənclərin verilməsinə nəzarəti həyata keçirmək;
• əmək və əməyin mühafizəsi sahəsində işəgötürənlər, işçilər yaxud həmkarlar təşkilatları arasında qarşılıqlı əməkdaşlığa kömək göstərmək; 
• müəssisələrdə əməyin təhlükəsizliyi tələblərinə uyğun gəlməyən və işçilərin sağlamlığına, yaxud həyatı üçün təhlükə törədən işi və ya istehsal vasitələrinin istismarını, onlar əməyin təhlükəsizliyi tələblərinə uyğunlaşanadək, qanunvericiliklə müəyyən edilmiş qaydada dayandırmaq; 
• vətəndaşların qəbulunu təşkil etmək, ərizə, təklif və şikayətlərə qanunvericiliklə müəyyən olunmuş qaydada  və müddətdə baxmaq;
• qanunvericiliyə uyğun olaraq digər vəzifələri yerinə yetirmək;

Müsabiqənin müsahibə mərhələsində aşağıdakı şəxslər iştirak hüququna malikdirlər:

• Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər;

• Təhsilə dair tələblər: iqtisadiyyat və idarəetmə ixtisasları qrupu, sosiologiya, beynəlxalq münasibətlər, hüquqşünaslıq, sosial iş, dövlət və ictimai münasibətlər, yanğın təhlükəsizliyi mühəndisliyi , sənaye mühəndisliyi, nəqliyyat tikintisi mühəndisliyi, neft-qaz mühəndisliyi, metallurgiya mühəndisliyi, maşın mühəndisliyi, mexanika mühəndisliyi, inşaat mühəndisliyi, kimya mühəndisliyi, materialşünaslıq mühəndisliyi, dağ-mədən mühəndisliyi, elektroenergetika mühəndisliyi, istilik energetikası mühəndisliyi, nəqliyyatda daşımaların və idarəetmənin təşkili mühəndisliyi, elektronika, telekommunikasiya və radiotexnika mühəndisliyi, politologiya ixtisasları üzrə ali təhsil
• İş stajına dair tələblər: yoxdur
• Kompüter biliklərinə dair tələblər: MS Windows, MS Office, Internetdən istifadə (yüksək səviyyədə)
• Xarici dil biliklərinə dair tələblər: yoxdur
• Müsahibədə iştirak etmək hüququ verən sertifikat BB4