• Torpaq bazarının təşkili ilə bağlı tədbirlər görülməsi, inzibati-ərazi vahidi daxilində xüsusi mülkiyyətçilərin torpaq inhisarçısına çevrilməsinə yol verilməməsi üçün təkliflər verir
• Bələdiyyə torpaqlarının hərrac və müsabiqələr vasitəsi ilə satışı və ya icarəyə verilməsinin təşkilində iştirak edir
• Bələdiyyə torpaqlarının hərrac və müsabiqə vasitəsi ilə satışı və icarəyə verilməsi prosesinin ictimai nəzarət və şəffaflıq prinsipləri, hüquqların və sosial ədalət prinsipinin qorunması əsasında həyata keçirilməsi istiqamətində tədbirlər görür
• Torpaq sahələrinin normativ qiymətlərinin və icarə haqlarının müəyyən edilməsi ilə bağlı təklifləri hazırlayıb təqdim edir
• Torpaq bazarını tənzimləyən rəsmi məlumatların müntəzəm toplanması, xüsusi bülletenlər və kütləvi informasiya vasitələri ilə açıqlanmasında iştirak edir
• Sektorun fəaliyyət istiqaməti üzrə təhlillər, ümumiləşdirmələr və tədqiqatlar aparır, analitik materialları hazırlayır
• Müvafiq sahə üzrə hüquqi aktların, qərar, əmr və sərəncamların layihələrinin hazırlanmasında iştirak edir və bu barədə təkliflər verir
• Müvafiq sahə üzrə beynəlxalq təcrübəni öyrənir və bu barədə aidiyyəti üzrə təkliflər verir
• Məktub və müraciətləri qanunvericiliklə müəyyən olunmuş qaydada cavablandırır
• Sektorun fəaliyyət istiqamətinə uyğun olaraq qanunvericiliklə nəzərdə tutulmuş digər vəzifələri yerinə yetirir
• Xidmətin müvafiq əmrləri ilə təsdiq edilmiş qaydaların (“İşgüzar geyim qaydaları”, “İş vaxtının rejimi Qaydaları” və s.) tələblərinə riayət edir
• Xidməti vəzifələrin icrası ilə bağlı şöbə rəhbərliyinin və sektor müdirinin tapşırıqlarını yerinə yetirir.

Daxili müsahibədə aşağıdakı şəxslər iştirak hüququna malikdirlər:

• Vakant vəzifəni təqdim etmiş dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar daxili müsahibə elan edilən dövlət orqanında ehtiyat kadr kimi saxlanılan şəxslər;

• Təhsilə dair tələblər: iqtisadiyyat və idarəetmə ixtisasları qrupu, beynəlxalq münasibətlər, coğrafiya müəllimliyi, politologiya, coğrafiya, memarlıq, inşaat mühəndisliyi, geodeziya və xəritəçilik mühəndisliyi , şəhərsalma, torpaqşünaslıq və aqrokimya , yer quruluşu, torpaq və şəhər kadastrı ixtisasları üzrə ali təhsil
• İş stajına dair tələblər: 2 il struktur bölmənin və ya vəzifənin fəaliyyət istiqamətləri üzrə iş stajı
• Kompüter biliklərinə dair tələblər: MS Windows, MS Office, Internetdən istifadə (orta səviyyədə)
• Xarici dil biliklərinə dair tələblər: Rus dili-B1;