• Sektora həvalə olunmuş vəzifələrin icrasının təmin edilməsi məqsədilə tərtib edilmiş iş planlarının və digər bu kimi sənədlərin icrasına nəzarət edir
• Sektorun işçiləri arasında iş bölgüsünün aparır, onların icra və əmək intizamına riayət etmələrinə nəzarət edir
• Sektorun əməkdaşları barəsində həvəsləndirmə və intizam tənbehi tədbirləri görülməsi üçün idarə rəisinə təqdimatlar verir
• Sektorda qulluq keçən dövlət qulluqçularının xidməti fəaliyyətinin qiymətləndirilməsini təmin edir
• Rayonda yerləşən müəssisə və təşkilatların fəaliyyətinə nəzarəti həyata keçirir və  onların fəaliyyətlərini aidiyyəti üzrə əlaqələndirir
• Tabe müəssisələrdə işçilərin əmək intizamına nəzarət edir, mədəniyyət müəssisələrinin rəhbər və işçilərinin mükafatlandırılması, onlara intizam tənbehi tədbirlərinin tətbiqi istiqamətində idarə rəhbərinə təkliflər verir
• İş planlarına və idarə rəhbərliyinin tapşırığına əsasən tabe mədəniyyət müəssisələrində monitorinq və yoxlamalar təşkil edir
• Rayonda yerləşən mədəniyyət müəssisələrinin maddi-texniki vəziyyəti və onların əmlak və avadanlığı barədə məlumatları toplayır və təhlil edir
• Mədəniyyət müəssisə və təşkilatlarının qabaqcıl iş təcrübəsinin təhlili, təbliğ və inkişaf etdirilməsində iştirak edir
• Region ərazisində əhalinin asudə vaxtının səmərəli keçirilməsinə yönəldilmiş proqramların işlənib hazırlanması və həyata keçirilməsində, müsabiqə, festival, sərgi və digər tədbirlərin təşkil edilməsində iştirak edir
• İstedadlı mədəniyyət işçiləri ilə məqsədyönlü işin aparılması, onların təhsil və sosial problemlərinə diqqət yetirilməsi, yaradıcılıq mühitinin formalaşdırılmasına yardım göstərir
• Rayonda (şəhərdə) mədəniyyətin inkişafında xidmətləri olan mədəniyyət işçilərinin yaradıcı şəxslərin və kollektivlərin bioqrafiyası, peşə və yaradıcılıq fəaliyyəti barədə məlumat bazasının yaradılmasında iştirak edir
• Fəaliyyət göstərdiyi rayon (şəhər) üzrə bütün mədəniyyət müəssisələrinin iş planlarının layihələrini hazırlayaraq təsdiq üçün İdarəyə təqdim edir

Daxili müsahibədə aşağıdakı şəxslər iştirak hüququna malikdirlər:

• Vakant vəzifəni təqdim etmiş dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar daxili müsahibə elan edilən dövlət orqanında ehtiyat kadr kimi saxlanılan şəxslər;

• Təhsilə dair tələblər: humanitar və sosial ixtisaslar qrupu, mədəniyyət və incəsənət ixtisasları qrupu, iqtisadiyyat və idarəetmə ixtisasları qrupu, turizm və otelçilik ixtisası üzrə ali təhsil
• İş stajına dair tələblər: 2 il struktur bölmənin və ya vəzifənin fəaliyyət istiqamətləri üzrə iş stajı
• Kompüter biliklərinə dair tələblər: MS Windows, MS Office, internetdən istifadə(orta səviyyədə)
• Xarici dil biliklərinə dair tələblər: yoxdur