Mən Nicat Əsgərov, 11 dekabr 1994-cü ildə Sumqayıt şəhərində anadan olmuşam. 3 yaşımda ailəmlə birlikdə Bakıya köçmüş və 6 yaşdan 17 yaşa qədər Bakıda yerləşən 280 saylı orta məktəbdə təhsil almışam.
Uşaqlıq illərimdən disiplinə və özünüinkişafa böyük önəm vermişəm. Bu yanaşma məni erkən yaşlarda idmana yönəltdi. Komanda və fərdi idman sahələrində fəaliyyət göstərərək həm komanda işi, həm də məsuliyyət və disiplin kimi bacarıqlarımı inkişaf etdirdim. Bu yol məni Azərbaycan Dövlət Bədən Tərbiyəsi və İdman Akademiyasına gətirdi. Lakin bir müddət sonra ciddi travma aldığım üçün karyera istiqamətimi dəyişərək turizm sahəsinə yönəldim.
Sonradan texnologiya və proqramlaşdırmaya böyük maraq göstərərək bu sahədə inkişaf etməyə qərar verdim. Əvvəlcə self-study yolu ilə öyrənməyə başladım, daha sonra Udemy platformasında müxtəlif kurslar keçdim və biliklərimi dərinləşdirdim. Daha sonra Code Academy-də Bootcamp proqramına qatılaraq Full Stack proqramlaşdırma üzrə təhsil aldım.
Bu müddətdə aşağıdakı texnologiyalar və mövzular üzrə bilik qazandım:
C# və OOP prinsipləri
CRUD əməliyyatları və bəzi Design Pattern-lər
SQL, MSSQL və Oracle
HTML, CSS, JavaScript
ASP.NET MVC və Web API
Təhsil müddətində müəllimlərin verdiyi tapşırıqları yüksək nəticələrlə tamamladım. Bundan əlavə, tanış sahibkarlar və müxtəlif şəxslər üçün bir neçə veb sayt layihəsi hazırlamışam və insanların işlərini asanlaşdırmaq məqsədilə kiçik layihələrdə iştirak etmişəm.
Mənim əsas məqsədim daha güclü proqramçı olmaq, işlədiyim təşkilatlara fayda vermək və gələcəkdə yeni proqramçılar üçün etibarlı mentor olmaqdır. Mən inanıram ki, öyrənmək, öyrətmək və öyrəndiyini tətbiq etmək inkişafın əsas yoludur.
Keçmiş idman karyeram mənə disiplin, komanda ilə işləmək bacarığı, stressli vəziyyətlərdə düzgün qərar vermək və səbrli olmaq kimi vacib keyfiyyətlər qazandırıb.
Boş vaxtlarımda üzgüçülük və tennislə məşğul olur, marafon gəzintilər təşkil edir, dostlarıma və ailəmə vaxt ayırmağı sevirəm.
