Azərbaycanda gəmiçilərin orta aylıq əməkhaqqı ₼2 185-ə çatıb

Azərbaycanda dəniz nəqliyyatında çalışan işçilərin orta aylıq əməkhaqları illik müqayisədə 15 faiz yüksəlib.

Banker.az bunu Dövlət Statistika Komitəsinə istinadən xəbər verir.

Belə ki, 2023-cü ilin yanvar-sentyabr aylarında dəniz nəqliyyatında çalışan işçilərin orta aylıq əməkhaqqı 2 184.8 manat təşkil edib.

Bu 2022-ci ilin eyni dövründə 1 899.7 manat idi.

Azərbaycanda dənizdə işləyənlərin sayı son bir ildə 6 555 nəfərdən 6 620 nəfərə yüksəlib.

Ölkə limanlarında ümumilikdə gəmi sayı son bir ildə 2 294-dən 2 990-a yüksəlib.