• Əhalinin sosial əhəmiyyətli sifarişlərini öyrənir, İcra hakimiyyətinin başçısına təkliflər verir; 
• Ərazidə fəaliyyət göstərən dövlət qurumları ilə, habelə bələdiyyələrlə, qeyri-hökumət təşkilatları ilə və digər təşkilatlarla nümayəndəliyin qarşılıqlı fəaliyyətini təmin edir;
• Ərazidə mənzil-kommunal təsərrüfatı və mənzil istismarı sahəsində fəaliyyət göstərən, məişət tullantılarının yığılması və daşınması, abadlaşdırma, yaşıllaşdırma, təmizlik və işıqlandırma işlərini yerinə yetirən qurumların fəaliyyətini əlaqələndirir;
• Ərazidə beynəlxalq və dövlət bayramlarına, tarixi və digər əlamətdar hadisələrə, habelə anım günlərinə həsr olunmuş tədbirlərin təşkilində iştirak edir və keçirilməsini təmin edir;
• İnzibati ərazidə yaşayan vətandaşların həqiqi hərbi xidmətə çağırışının, habelə hərbi təlim toplantılarına və ibtidai hərbi hazırlıq çağırışının təşkilini səlahiyyətləri daxilində təmin edir;
• Ümümrespublika və yerli əhəmiyyətli məsələlərin həllində inzibati ərazidəki vətandaşların fəal iştirakını  təmin edir və əhalinin, ictimai təşkilatların işini qanunamüvafiq istiqamətləndirir;
• Ərazidə olan yaşayış evləri və çoxmənzilli yaşayış binalarındakı mənzillər üzrə təsərrüfatbaşına uçot kitablarının, habelə təsərrüfat üzvlərinin və müvəqqəti yaşayan şəxslərin siyahısının aparılmasını, elektron məlumat sisteminə köçürülməsini təmin edir;
• Qanunvericiliyin tələblərinə uyğun olaraq daimi seçici siyahılarına daxil edilmək üçün ərazidə aktiv seçki hüququna malik olan seçicilər haqqında məlumatların hazırlanmasını və aidiyyəti üzrə təqdim edilməsini təmin edir;
• Seçki kampaniyaları dövründə qanunla yerli icra orqanlarının üzərinə düşən vəzifələrin yerinə yetirilməsini təmin edir;
• Nümayəndəlik ərazisində baş vermiş mühüm hadisələr barədə gündəlik məlumatları ümumiləşdirərək aidiyyəti üzrə təqdim edilməsini təmin edir;
• Ərazidə yaşayan vətəndaşlara onların şəxsiyyətini, ailə vəziyyətini təsdiq edən arayışlar və digər arayışlar verir;
• Mövcud qanunvericilik aktları əsasında vətəndaşlıq vəziyyəti aktlarının dövlət qeydiyyatını,  notariat hərəkətlərini aparır.
• Nümayəndəlik ərazisində dövlət şəhərsalma nəzarətinin həyata keçirilməsini, o cümlədən özbaşına tikinti işlərinin qarşısının alınması məqsədilə tədbirlər görülməsini səlahiyyətləri daxilində təmin edir;
• Müvafiq ərazinin baş sxemləri və layihələrinin, o cümlədən mühəndis-kommunikasiya xətlərinin sxem və layihələrinin hazırlanmasında öz səlahiyyəti daxilində iştirak edir;
• Müvafiq ərazidə kommunikasiya (işıq, qaz, su, kanalizasiya və istilik) xətləri ilə bağlı problemlərin aradan qaldırılması ilə əlaqədar tədbirlərin görülməsi üçün xidmət sahələri ilə birgə işi təşkil edir;
• Müvafiq ərazidə yerləşən avtomobil yollarının təmiri və saxlanılması barədə aidiyyəti qurumlar qarşısında məsələ qaldırılması istiqamətində müvafiq tədbirlər görür;
• Müvafiq ərazidə dövlət mülkiyyətində olan torpaqlardan istifadə edilməsinin planlaşdırılmasında iştirak edir, habelə dövlət, bələdiyyə və xüsusi mülkiyyətdə olan torpaqlardan təyinatı üzrə istifadə edilməsinə nəzarəti həyata keçirir və müvafiq tədbirlər görür;
• Ərazinin sosial-iqtisadi inkişaf və ekoloji proqramlarının hazırlanmasında iştirak edir və  nümayəndəliyin  büdcəsinin formalaşmasına dair müəyyən edilmiş qaydada təkliflər verir, büdcə vəsaitinin təyinatı üzrə xərclənməsini təmin edir, bu haqda hesabatlar verir;
• Nümayəndəliyin ərazisində mülki müdafiə işinin təşkilində iştirak edir;
• Nümayəndəlikdə evakuasiya işinin təşkilində, baş vermiş təbii fəlakətlərin və fövqəladə halların nəticələrinin aradan qaldırılmasında iştirak edir, əhalinin təhlükəsizliyinin təmin olunması və  zərər çəkmiş insanlara yardım göstərilməsini həyata keçirir;
• Müvafiq ərazidə ekoloji şərait barədə əhalinin məlumatlandırılmasını təmin edir;
• İcra hakimiyyətinin başçısının səyyar qəbullarının, görüşlərinin keçirilməsi üçün yerlərin müəyyənləşdirilməsinə dair təkliflər verir;
• İlin yekunları ilə bağlı hesabat yığıncağında əhaliyə (ictimaiyyətə) nümayəndəliyin fəaliyyəti haqqında məlumat verir;
• Nümayəndəlikdə mühasibat uçotu işinin təşkilini və aparılmasını, təmin edir; 
• Nümayəndəliyin büdcə layihəsinin hazırlanmasını təmin edir və icrasına nəzarət edir;
• Nümayəndəliyin işinə ümumi rəhbərlik edir, əməkdaşlar arasında iş bölgüsü aparır, onların fəaliyyətini əlaqələndirir, əmək və icra intizamına riayət edilməsinə nəzarət edir;
• Nümayəndəliyin fəaliyyət istiqamətləri üzrə tədbirlərdə, komissiyaların və işçi qrupların işində iştirak edir;
• Nümayəndəliyin fəaliyyət istiqamətləri üzrə İcra hakimiyyətinin başçısı yanında Şuranın iclaslarında müzakirə edilməli məsələləri müəyyən edir və bu barədə təkliflərini təqdim edir;
• Nümayəndəliyə daxil olan ərizə, şikayət, təklif və məktublara qanunvericiliklə müəyyən edilmiş qaydada baxılmasına nəzarət edir, səlahiyyətləri daxilində vətəndaşların qəbulunu həyata keçirir;
• Nümayəndəliyin iş planının hazırlanmasını təmin edir, iş planında nəzərdə tutulmuş tədbirlərin  vaxtında və keyfiyyətlə həyata keçirilməsinə nəzarət edir;
• Nümayəndəliyin fəaliyyəti ilə bağlı hesabat, arayış və məlumatların hazırlanmasını təmin edir;
• Tabeliyində olan dövlət qulluqçularının xidməti fəaliyyətinin qiymətləndirilməsini həyata keçirir, onlar barəsində həvəsləndirmə və intizam tənbeh tədbirlərinin görülməsinə dair rəhbərliyə təqdimat verir;
• Nümayəndəliyin fəaliyyət istiqamətləri üzrə normativ sənədlərin layihələrinin hazırlanmasında iştirak edir;
• Nümayəndəlikdə kargüzarlıq işlərinin aparılmasını və məxfilik rejimini təmin edir;
• Nümayəndəliyin fəaliyyət istiqamətlərinə uyğun olaraq qanunvericiliklə nəzərdə tutulmuş digər vəzifələrin yerinə yetirilməsini təmin edir. 
• Sənədlərin qəbulu üçün müəyyən edilmiş son müddət: 01.05.2024 18:00
  

Daxili müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti;
  

• Təhsilə dair tələblər: ali təhsil
• İş stajına dair tələblər: vəzifənin fəaliyyət sahəsi üzrə 2 il iş stajı
• Kompüter biliklərinə dair tələblər: Windows ƏS, MS Office, İnternetdən istifadə (orta səviyyədə)
• Xarici dil biliklərinə dair tələblər: yoxdur

Daxili müsahibədə aşağıdakı şəxslər iştirak hüququna malikdirlər:

• Vakant vəzifəni təqdim etmiş dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar daxili müsahibə elan edilən dövlət orqanında ehtiyat kadr kimi saxlanılan şəxslər;

Qeydlər:

• Müsahibədə barəsində müsahibə elan edilən vəzifənin təsnifatından ən çoxu iki təsnifat aşağı inzibati vəzifələrdə qulluq keçən dövlət qulluqçuları, habelə ən çoxu iki təsnifat aşağı inzibati vəzifələrdə qulluq keçmiş ehtiyat kadrlar iştirak edə bilərlər.
• "Dövlət qulluğu haqqında" Azərbaycan Respublikası Qanununun 29.5-ci maddəsinin ikinci hissəsinə əsasən barələrində intizam tənbehi tətbiq edilmiş dövlət qulluqçuları altı ay ərzində müsahibəyə buraxılmırlar.
• "Dövlət qulluğu haqqında" Azərbaycan Respublikasının Qanununda dəyişiklik edilməsi barədə" Azərbaycan Respublikasının 2016-cı il 31 may tarixli 267-VQD nömrəli Qanunu qüvvəyə mindiyi günədək (10.08.2016-cı il tarixinədək) dövlət qulluğunda inzibati vəzifəyə qəbul olunmuş və inzibati vəzifələrdə 10 ildən az qulluq stajı olan dövlət qulluqçuları daha yüksək inzibati vəzifənin tutulması üçün müraciət etdiyi halda dövlət qulluğunda fəaliyyətin davam etdirilməsi üzrə keçirilən test imtahanından keçdiyini təsdiq edən sertifikata malik olmalıdırlar.
• 1992-ci ildən sonrakı dövrlərdə xarici dövlətlərin təhsil müəssisələri tərəfindən verilmiş ali təhsil haqqında sənədlər "Xarici dövlətlərin ali təhsil sahəsində ixtisaslarının tanınması və ekvivalentliyinin müəyyən edilməsi (nostrifikasiyası) Qaydaları"na uyğun olaraq Azərbaycan Respublikasının Elm və Təhsil Nazirliyi tərəfindən müvafiq şəhadətnamə ilə təsdiq edilməlidir.

Qeydiyyatla bağlı yaranan texniki problemlərlə əlaqədar:

Elektron imtahanlar və müsahibələrin təşkili departamenti: Tel.:(012) 310 53 16 (daxili 2504,2503); e-mail: [email protected];

Müsahibə elanları, o cümlədən vəzifə təlimatları və müsahibə proqramları ilə əlaqədar:

Hüquqi təminat, insan resursları və dövlət qulluğu departamenti: Tel.: (012) 310 53 16 (daxili 1766); e-mail: [email protected];

Daxili müsahibədə iştirak etmək istəyən namizədlər 17 aprel 2024-cü il tarixindən 1 may 2024-cü il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Daxili müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.

Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.

Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.